BOE (Sta. Maria Magdalena)

Noong unang panahon sa lalawigan ng Laguna, ay may isang bayang tinaguriang San Pablo na batay sa isang hermetanyong santo. Itong lugar na ito ay napaligiran ng mga nayong madawag at panay na mga punong kahoy tulad ng mangga, bayabas, duhat at iba pang punongkahoy, tulad ng niyog na pawang mataas. Isa sa mga nayong ito ay ang Sta. Maria Magdalena.

Sa kalagitnaan ng nayong ito ay halos payagpag ang magiging lakad ng sinumang tutungo sa dulong timog dahil ang pisikal na anyo nito ay isang burol. Panahon ng kastila noon nang may isang lalaking payagpag ang lakad na humuhingal galing sa gawing hilaga ng nayon. May nakasalubong itong isang kastila. Napuna ang paghingal nito, Kaya't ito ay nagtanong: "Saan ka galing at ikaw ay humingal?"

May halong takot na sinsagot ang kastila: "Ako ay napatakbo, eh....."

"Ah.... sa Boe ka pala galing," ang sabi ng kastila na patuloy sa pagaahon.

Mula noon ang bansag na sa Boe sa lugar na ito na ngayon Sta. Maria Magdalena ay lumaganap na.

Hangang sa panahong ito, sasakyan man ay may kahirapang umahon sa lugar na tinaguriang "Boe."